尾、枚个不同用法

【文／范文芳∕國立清華大學中國語文學系退休教授】

 

一 、字形結構个討論

　　1. 尾字个結構，係從尸從毛，象形字，象脊椎動物之尾，原本猿猴牛羊象虎皆有尾端之尾。

　　2. 枚字个結構，係從木從攴，會意字，指用刀斧砍伐樹枝。

二 、字意个演變

　　 1. 尾，原本係指動物之尾，後引申為事物之結尾，又借為量詞，指長條事物之數量，今台華語、台福語皆有此習慣用法，如一尾魚、一尾蛇。

　　2. 枚，原意指析木為片，後借為量詞，多指細長形物體之數量，漢語古文銜枚急走、枚不勝舉，現代華語稱一枚戒指，客家話稱一枚針、一枚蛇、一枚魚兒等都係相同个語意。

　　3. 尾，客語保留方位名詞个用法，像街尾、窩尾、坑尾、水尾、田尾等等。

三、字音个討論

　　1. 尾字，廣韻無匪切，上聲，台華語音｛wei214｝台福語音｛bbei42｝台客語音｛mui42/mi24｝。

　　2. 枚字，廣韻莫杯切，平聲，台華語音｛mei24｝台福語音｛muai24｝台客語音｛mui55/mi11｝。

　　3. 在漢語語音史个演變中，客語有ㄧ特色，字音中凡係屬於次濁聲母个上聲字，客語往往轉成陰平調，像語、馬、拿、買，客語全轉為陰平調，【尾】字，本係陰上調，客語轉為陰平調，因此【尾】字，正確个客語發音，係｛mui42｝或者｛mi24｝。

　　4 從語音个討論中，可以了解，客語當做量詞个｛mui55/mi11｝，應該寫做【枚】，不應該寫做【尾】。

四 、語法个討論

　　1. 客語習慣講法，當做事物名詞个時節，像樹尾、蛇尾、老鼠尾，當做方位名詞个時節，像街尾、田尾、窩尾，音、意都無問題。

　　2. 客語借名詞當做量詞時，比較習慣用枚，現代華語、台福語比較習慣用尾。

　　比像講，一尾龍、一尾魚、一尾鱸饅，客語就慣用一枚針、一枚蛇、一枚鱸鰻、一枚蜈蚣蟲。

　　3. 同樣係漢語，同樣係量詞，漢語不同方言會發展出不同个語法，台華語稱一條蛇、一尾蛇，台福語稱一尾蛇，客家話可以講一條蛇，也可講一枚蛇。
　　
（海陸腔） 范文芳教授 聲檔 — 尾、枚个不同用法





　

▲BACK